JESAJA 52.

" LJÓÐ UM HINN LÍÐANDI ÞJÓN DROTTINNS. Jesaja 52:13 til og með Jesaja 53:12

Sjá þjónn minn mun giftusamur verða, hann mun verða mikill og veglegur og mjög hátt upp hafinn. Eins og margir urðu agndofa af skelfingu yfir honum - svo afskræmd var ásýnd hans framar en nokkurs af mannanna sonum - eins mun hann vekja undrun margra þjóða, og konungar munu afturlykja munni sínum fyrir honum.  Því að þeir munu sjá það, sem þeim hefir aldrei verið frá sagt, og verða þess áskynja, er þeir hafa aldrei heyrt. 53.1 - 12. Hver trúði því, sem oss var boðað, og hverjum varð armleggur Drottins opinber?  Hann rann upp eins og viðarteinungur fyrir augliti hans og sem rótarkvistur úr þurri jörð.

Hann var hvorki fagur né glæsilegur, svo að oss gæfi á að líta, né álitlegur, svo að oss fyndist til um hann.  Hann var fyrirlitinn, og menn forðuðust hann, harmkvælamaður og kunnugur þjáningum, líkur manni, er menn byrgja  fyrir andlit sín, fyrirlitinn og vér mátum hann einskis.

En vorar þjáningar voru það, sem hann bar, og vor harkvæli, er hann á sig lagði. Vér álitum hann refsaðan, sleginn af Guði og lítillættan, en hann var særður vegna vorra synda og kraminn  vegma misgjörða.  Hegningin, sem vér höfðum til unnið, kom niður á honum, og fyrir hans benjar urðum vér heilbrygðir.  Vér fórum allir villir vega sem sauðir, stefndum hver sína leið, en Drottinn lét misgjörð vor allra koma niður á honum.

Hann var hrjáður, enn hann lítillætti sig og lauk eigi upp munni sínum.  Eins og lamb, sem leitt er til slátrunnar, og eins og sauður þegir fyrir þeim, er klippir hann, lauk hann eigi upp munni sínum.  Með  þrenging og dómi var hann burt numinn, og hver af samtíðarmönnum hans hugsaði um það?

Hann var hrifinn burt af landi lifanda, fyrir sakir synda míns lýðs var hann lostinn til dauða.

Og menn bjuggu honum gröf meðal illræðismanna, legstað með ríkum, þótt hann hefði eigi ranglæti framið og svik væru ekki í munni hans.  En Drottni þóknaðist að kremja hann með harmkvælum: Þar sem hann fórnaði  sjálfum sér í sektarfórn,  skyldi hann fá að líta afsprengi og lifa langa ævi og áformi  Drottins fyrir hans hönd framgengt verða.

Vegna þeirra hörmunga, er sál hans þoldi, mun hann sjá ljós  og seðjast.

Þá menn læra að þekkja hann, mun hann, hinn réttláti, þjónn minn, gera marga réttláta, og hann mun bera misgjörð þeirra. Fyrir því gef ég honum hina mörgu að hlutskipti, og hann mun öðlast hina voldugu að herfangi, fyrir það að hann gaf líf sitt í dauðann og var með illræðismönnum talinn.

En hann bar syndir margra og bað fyrir illræðismönnum. "     

Ég tók þennan spádóm beint upp úr GAMLA TESTAMENTI BIBLÍUNNAR .  Spádómurinn var ritaður  mörg hundruð árum fyrir fæðingu KRISTS.  Hvílíkur kærleikur Guðs til vor mannanna barna.